bus simulator pro
واللعبة دي هي افضل لعبة محاكاه موجوده على جوجل بلاي من حيث الجيرافيك او تجربة اللعب الجيدة
فاللعبة هتأسس شركة للباصات وتكون انت مديرها اول م تبدا اللعبه هيتطلب منك انك تسمي اسم للشركة وكمان تختار لها شعار وبعدين هتختار الباص الخاص بيك
هتبدأ بعد كدا تختار الرحلة من المهام وتدخل بعدها تلعب عشان تنجز المهام دي وتاخد عملات اكتر عشان تقدر تغير الباص بتاعك وكمان تخصص فية براحتك
فاللعبة مش هتحس بملل لان اللعبة فيها عالم مفتوح وواسع هتقدر تستمتع بالجيرافيك وكمان سهولة اللعب والسفر من بلد لبلد
متاح فاللعبة شوية خرائط كدا وكل خريطة ليها مهام خاصة
اللعبة بتوفرلك تحكم كامل فالباص وكمان مش تحكم معقد لا بالعكس دا تحكم سهل ومناسب لأي حد واي حد يقدر يتعامل معاه
عناصر التخصيص ف الباص كتير جدا وتقدر تخصص كل جزء موجود ف الباص علي حسب مزاجك
بس ده هيصرف فلوس كتير اوي ف كمل المهام بقي وهات فلوس عشان تقدر تكبر الشركة بتعتك وتجيب باصات اكتر واحسن
واقعية اللعبة كبيره جدا من حيث ادوات التحكم الكاملة وكمان الجيرافيك عالي جدا ف سعتها مش هتحس بملل وهتدمن اللعبة بشكل كبير
اللعبة اوفلاين و من تطوير شركةsir studio المشهوره و فالاخر حابب اقولك جرب اللعبه وقولي رأيك فالتعليقات